Arrestohet në Greqi një 40-vjeçar shqiptar, pasi akuzohet se ka dhunuar gruan e tij. Por motivi është krejtësisht i pazakontë, burri pretendonte se ajo nuk bënte punët e shtëpisë. Mediat e vendit fqinj raportojnë se dhuna në familje ka ndodhur në Volos më 26 shtator. Ishte fqinji që lajmëroi policinë pasi dëgjoi thirrjet për ndihmë të gruas.
Kur uniformat blu rendën për në shtëpinë e bashkëshortëve, ishte e dhunuara ajo që u ankua fillimisht se i shoqi ka ardhur në shtëpi i dehur, i ka bërtitur dhe më pas e ka rrahur. Ai e goditi me grusht dhe më pas e kapi nga krahu dhe u përpoq t’i thyente kyçin e dorës. Prej shumë vitesh është viktimë e dhunës në familje, por siç ka përmendur, i pranon këto sjellje dhe nuk flet dhe as nuk e kishte denoncuar më parë të shoqin. Mirëpo pardje ajo u frikësua shumë dhe u largua menjëherë nga shtëpia duke marrë me vete fëmijën e tyre.
Por 40-vjeçari, i paidentifikuar për mediat greke, tha se ka pasur vetëm një moment tensioni sepse gruaja e tij nuk e kishte pastruar shtëpinë. Tashmë ai është arrestuar për dhunë në familje dhe do të dalë para Gjykatës për t’u njohur me dënimin e tij.
Discussion about this post