Kreu i PD-së, Sali Berisha gjatë takimit me shqiptarët e Italisë, u ndal edhe njeherë tek dosja e lobimit rus, për të cilën akuzohet deputeti demokrat, Lulzim Basha.
Sipas Berishës, përmes kësaj dosje Rama ka mbajtur peng ish-kreun e PD-së, dhe kjo ka qenë dhe arsyeja pse ai ka ndikuar në ndërprerjen e hetimeve.
“Pasi mori të gjithë pushtete, te fundit presidentin, ashtu siç doli këto ditë ai kishte marrë peng me dosje edhe opozitën shqiptare. Në Tiranë është një tiran, një armik i egër i lirive, të cilat burojnë nga vota. Haptas ka dhunuar votën e lirë të shqiptarëve me të gjitha mekanizmat, me patronazhistët, me përdorimin e të gjitha institucioneve shtetërore, me skuqje e rrugëve të qyteteve me banda. Këto janë të faktuara. E faktuar është se ai, Bashës, pasi i kishte hapur dosjet për financime siç ka thënë vetë, financime ruse, pasi ishte zotuar para shqiptarëve se do ti shkonte deri në fund hetimin, përdori hetimin për të marrë peng kreun e opozitës.
PD është e para parti në Europën post komuniste që në javët e para kërkoi anëtarësimin e Shqipërisë në NATO. PD ishte e para që firmosi partneritetin e Shqipërisë me NATO. Anëtarësoi Shqipërinë në NATO dhe së bashku me qeverinë azere ka luajtur një rol në bllokimin e gazit rus dhe sjelljen e gazit nga Azerbajxhani. Nuk mund të ketë asnjë lloj flirti me Rusinë që në dy shekujt e fundit ka mbajtur vetëm qëndrime armiqësore.
Sot Edi Rama nga një anë voton dhe bashkëpunon, dhe nga ana tjetër është avokati i vetëm i politikës filo ruse të Vuçiçit të Europë. I kërkon Europës të mos i bëjë presione”, deklaroi Berisha.
Discussion about this post