Faqja e hakerave iranianë “HomelandJustice” ka publikuar disa dhëna sensitive të ish kreut të Policisë së Shtetit Gledis Nano duke nxjerrë blof deklaratat e kryeministrit Edi Rama kur thoshte se nuk ka rrjedhje serioze të dhënash.
Hakerat kanë publikuar disa prej email-eve të ish kreut të policisë së Shtetit. Në dokumentet e publikuara nga hakerët jepen të dhëna mbi familjen e Gledis Nanos si dhe hyrje-daljet e tij në vend nga ajri dhe nga toka.
Po ashtu është publikuar numri i pasaportës së Gledis Nanos dhe numrat e tij të telefonit. Ky veprim nga hakerat vjen së fundmi pasi kryeministri Edi Rama deklaroi se nuk kishte asnjë lloj rrjedhje serioze të dhënash nga sulmi ndaj sistemit TIMS që u krye disa ditë më parë në të gjitha pikat kufitare të vendit. Pak ditë më vonë kjo deklaratë e tij duket se nuk ka shumë kuptim.
Discussion about this post