Analisti i njohur Milazim Krasniqi është shprehur se ka dyshime të forta që e-mailet e publikuar nga hakerat që flasin për një atentat të planifikuar ndaj kryeministrit të Kosovës Albin Kurti, nuk janë të vërteta.
Ai shton se në fillim duhet konfirmuar ky fakt që më pas të diskutohet rreth një teorie të tillë.
“Rasti i Kosovës, nëse e marrim të mirëqenë, kemi dy kundërshtarë politike dhe profile të ndryshme, Albin Kurti dhe Xhavit Haliti ndaj nuk kuptoj si mund të jetë një sulm ndaj dy njerëzve që s’i lidh asgjë.
Mund të jetë edhe një lojë e shërbimeve, mund të jetë edhe pjesë e presioneve që po bëhen ndaj qeverisë Kurti në këtë pikë të dialogut.
Fakti që objekt i njëjtë sulmi është edhe Xhavit Haliti që sot nuk ka asnjë peshë vendimmarrëse në politikë të bën të dyshosh.
Discussion about this post