Kreu i qeverisë Edi Rama ftoi pak ditë më parë pensionistët gjermanë që të vinin në Shqipëri për të shijuar pjesën tjetër të jetës.
Ndërkohë e menjëhershme ka qenë kundërpërgjigja e tyre, të cilët kanë thënë se nuk kanë ndërmend të largohen nga Gjermania për të ardhur në Shqipëri, madje as nuk kanë informacion se ku ndodhet vendi ynë. “Unë nuk jam i informuar dhe ende nuk e di se ku është Shqipëria. Jam super i kënaqur në Gjermani dhe dua të jetoj vetëm në Gjermani. Unë jam 73 vjeç dhe nuk kam në plan të ndryshoj diçka. E di që gjithçka do të jetë më e shtrenjtë, por marr një pension të mirë dhe kështu nuk e planifikoj largimin”, deklaruan pensionistët.
Të tjerë thonë se e dinë, por theksojnë problematikat që ka vendi ynë.
“E di ku është Shqipëria dhe i di pak problemet që ekzistojnë aty, por shiko, nuk e di nëse do ta besosh apo jo, por jam 82 vjeç dhe kam një eksperiencë të tillë. Nëse të rinjtë duan të shkojnë atje është zgjedhja e tyre, por ne ose unë si gjerman, nuk mund ta imagjinoj”, tha pensionisti.
Discussion about this post