Komisioni i Punës, Çështjes Sociale dhe Shëndetësisë është kritikuar sot nga deputetja e PD-së Grida Duma e cila ka replikuar edhe me përfaqësuesit e Ministrisë për Çështjet Sociale lidhur me shërbimet dhe ndihmën që ofron qeveria për personat me aftësi të kufizuar. .
Si kryetare e këtij komisioni, Duma i ka kujtuar zv.ministres së këtij dikasteri se një person me aftësi të kufizuara sot në Shqipëri merr 110 mijë lekë të vjetra ndihmë sociale, e cila nuk i mjafton as për të marrë frymë.
“Një person me aftësi të kufizuar merr 110 mije lekë të vjetra apo mesatarisht 220 mije lekë të vjetra. Domethënë edhe i pamundur dhe mjeran, me 110 mije leke te vjetra nuk merr dot fryme jo të mbijetosh. Duke marrë 110 mijë që mund të shkojmë në mesataren 20 apo 22 mijë lekë të reja pagesën e aftësisë së kufizuar juve gjykoni që bashkë me kujdesin jeton e merr shërbim në raport me shtrenjtësinë e jetës, me marrjen e shërbimeve në Shqipëri. Pra me 22 mijë lekë të reja një njeri duhet dhe të jetojë dhe të marrë kujdes nga një person tjetër. A mendoni se pavarësisht amendimet ligjore ju ti keni kryer siç parashtruar?”, tha Duma.
Teksa debati shtrohej për amendamentet që qeveria propozon, të cilat parashikojnë punësimin nga bizneset të një personi me aftësi të kufizuara dhe rritjen e ndihmës deri në 220 mijë lekë të vjetra, Duma theksoi se edhe kjo shumë e re duket e pamjaftueshme.
“Kjo 220 mijë është sot e mundshme sipas jush, si qytetar që jetojmë në Shqipëri të përballosh dhe kujdesin dhe jetesën. Ju bëj pyetjen se ju thoni janë 16 mijë jo 200 mijë. Me çfarë shikoj nga raportet 1 biznes duke të punësojnë PAK! Nga 604 që kanë kërkuar në 2019, vetëm 1/7 ka hyrë në sistemin e ligjit. Edhe pse ligji e kërkon por sipërmarrja nuk e ka bërë, a është rritur fondi i pagesave nga shoqëritë private të masave të gjobave prej 250 euro që duhen të paguajnë në muaj në rast se nuk punësohen një person me aftësi të kufizuar? Pra kjo tregon që ka dështuar totalisht pas 7 vitesh nëse do flasim nga pozita e ekspertëve të çështjeve sociale. Pra nga pagat e mbi 70 anëtareve të 12 komisioneve që pretendojnë të punësojnë persona me aftësi të kufizuar vetëm 111 kjo është një dështim total”, tha Duma.
Discussion about this post