Deputeti i Partisë së Lirisë Petrit Vasili, ka bërë një renditje të statistikave në lidhje me pakënaqësitë e qytetarëve me qeverinë.
Vasili shtoi se Rilindja ka vetëm 3 arritje, korrupsionin, paligjshmërinë dhe babëzinë. “Po citoj disa shifra që flasin dhe janë shumë të rënia 83.1 për qind e perceptojnë korrupsionin në nivel të ulët shumë të hapur. 83.7 për qind në nivelin e lartë shumë të hapur. 71.6 për qind nuk ndjehen të sigurt për shkak të kriminalitetit dhe papunësisë.
68.4 për qind nuk kanë besim tek ndjekja penale e korrupsionit dhe tenderat e sekretë e inceneratorët janë provë e mos lëvizjes së gishtit nga drejtësia.
Referendumi objektiv për lidhjen e qytetarit me qeverisjen, e vetmja mundësi e artë që qytetarët të vendosin për qeverisjen e të mos jenë të përjashtuar. 41 përqind e qytetarëve, mbi një milionë ca shqiptarë duan të largohen nga vendi.
Të kënaqur me punë e policisë është vetëm 30 përqind e qytetarëve. Transporti publik, vetëm 32.6 përqind janë të kënaqur.
Falimentimi i plotë i qeverisë, ka vetëm 3 arritje Rilindja, babëzia paligjshmëria dhe korrupsioni. Tre aleatë të Rilindjes për të futur në borxhe shqiptarët. koha e llogaridhënies është sot dhe nuk pret. Duhet të jemi të gjithë në këmbë për të detyruar këtë bandë hajdutësh të kryesuar nga Rama të vëmë para përgjegjësisë dhe drejtësisë popullore”, tha Vasili.
Discussion about this post