Presidenti i Francës Emmanuel Macron deklaroi se homologu i tij rus Vladimir Putin po bënte një gabim të ri, duke mobilizuar qytetarët për të forcuar luftën në Ukrainë.
“Mendoj se vendimi i marrë gjatë orëve të fundit nga Presidenti Putin është një gabim i ri”, tha ai.
“Mendoj shumë qartë se ajo që na nevojitet është paqja dhe një armëpushim”, shtoi Macron.
Ai po merr pjesë në Asamblenë e Përgjithshme të Kombeve të Bashkuara në Nju Jork, shtoi se vendimi i Putinit “për të rritur nivelin e luftës… është një lajm i keq për popullin rus, është një lajm i keq për të rinjtë rusë dhe është një lajm i keq për Rusinë, sepse ai do të rrisë izolimin e vendit të tij.”
Presidenti francez vuri në dukje se Kina dhe India kishin shprehur të dyja shqetësimet për luftën. “Sot, Rusia është gjithnjë e më e izoluar dhe është gjithnjë e më shumë e përkushtuar ndaj një lufte që vetëm [Rusia] e dëshiron dhe që është e paligjshme”, tha Macron.
“Të gjithë bëjnë thirrje për paqe. Askush nuk i kupton më zgjedhjet e bëra nga Rusia”, theksoi presidenti francez.
Discussion about this post