Një 3-vjeçare në Itali ka ngritur në këmbë autoritetet në shtetin fqinj, ndërkaq në hetim është vënë babai i saj, një shqiptar. Sipas mediave italiane, rreth orës 10, karabinierët e Teneza di Cologno Monzese shpëtuan vajzën e vogël e cila kishte humbur rrugën në park dhe ende në të ftohtë.
Mësohet se karabinierët e vunë re atë pranë zonës Pirandello në Cologno Monzese dhe pasi e qetësuan, e shoqëruan deri në kazermë. Këtu, teksa prisnin operacionet për identifikimin dhe gjurmimin e prindërve, karabinierët e argëtuan vogëlushen me një libër për t’u ngjyrosur dhe disa ushqime.
Nga sa është konstatuar, vogëlushja ka ecur e vetme nëpër park për një orë e gjysmë. Babai, një 37-vjeçar shqiptar, nuk e kishte vënë re largimin e së bijës, i cili do të kishte ndodhur rreth orës 8.30, ndërkohë nëna nuk ishte në shtëpi dhe dera ishte e hapur.
Duke përfituar nga këto rrethana, vogëlushja ka dalë nga shtëpia dhe ka nisur të ecë përreth derisa është vënë re dhe është shpëtuar nga policia. Fëmija, në gjendje të mirë shëndetësore, më pas iu kthye prindërve të saj dhe burri u denoncua për neglizhencë ndaj një të mituri.
Discussion about this post