Një tjetër aksident i rëndë ka ndodhur ditën e sotme në aksin rrugor Elbasan-Peqin ku një person ka humbur jetën. Lidhur me ngjarjen bëhet me dije se një mjet tip “Ford” është përplasur me një motor.
Për fat të keq, si pasojë e përplasjes ka humbur jetën drejtuesi i motorit në spitalin rajonal të Elbasanit. Gjithashtu, mësohet se aksidenti ka ndodhur në fshatin Bishqem.
Deri më tani, policia ndodhet në vendngjarje duke punuar për zbardhjen e shkaqeve të aksidentit.
Kujtojmë se një ditë më parë në të njëjtin aks ndodhi një tjetër aksident me vdekje, ku ndërroi jetë një 49-vjeçar, i cili u përplas mbrëmë për vdekje nga një makinë në afërsi të fshatit Karinë.
Discussion about this post