Kryeministri grek, Kyriakos Mitsotakis premtoi një kundërpërgjigje të fortë ndaj presidentit turk, Rexhep Tajip Erdogan. Ai u shpreh se do të flasë kundër akuzave të presidentit turk në Asamblenë e Përgjithshme të Kombeve të Bashkuara të premten.
“Askush nuk mund ta intimidojë Greqinë. Pjesa tjetër, të premten në OKB”, tha Mitsotakis të mërkurën në një drekë për nder të tij nga disa organizata emigrantësh në qytetin e Nju Jorkut.
Mitsotakis u tha pjesmarrësve se Greqia do të bëjë çmos për të forcuar aleancat e saj.
Më herët, Mitsotakis ishte takuar me përfaqësues të pesë organizatave hebreo-amerikane dhe veçmas me Presidentin dhe zyrtarët e Komitetit Amerikan të Çështjeve Publike izraelite.
Kryeministri foli për përshkallëzimin e retorikës armiqësore të Ankarasë, duke përfshirë përhapjen e dezinformatave për veprimet greke.
Mitsotakis foli gjithashtu për mbështetjen e Greqisë për një bashkëpunim më të ngushtë BE-Izrael.
Discussion about this post