Rënia e sistemeve elektronike, të tilla si e-Albania, kanë shkaktuar vështirësi të shumta te bizneset duke filluar që me regjistrin tregtar e deri edhe me ndryshimit staturore të shoqërive tregtare. Altin Sulejmani, ekspert kontabilist, i ftuar në studion e ABC Live u shpreh që bizneset janë në një situatë të vështirë dhe po u krijohen jo vetëm vonesa të shumta me proceset që më parë kryheshin brenda 24 orëve, por edhe sistemi i ngarkon me gjoba fiktive.
“Momenti më i rëndësishëm i një shteti në raport me subjektet është regjistri publik, dhe sot është gati e pamundur që të hapen disa forma të shoqërive tregtare, nëse dy individë apo ortakë duan të hapin një shoqëri sot, nuk munden ta realizojnë, zyrtarisht sportelet janë mbyllur, gjithçka sot është online, ka disa adresa emaili, 5 adresa dhe kanë 5 ditë kohë për të kthyer përgjigje”, tha ai.
Gjithashtu sipas ekspertit kontabilist Sulejmani për një regjistrim që është bërë, në regjistrin tregtar, rezulton që ky regjistrim thjesht nuk ekziston dhe sistemi të thotë të paguash një gjobë prej 500 mijë lekësh të reja.
“Nëse jemi dy ortakë, njëri nga ne shet kuotat, bëjnë aktin, bëjnë vendimin, vendimin e paraqes në QKB, bën regjistrimin, në momentin kur bën regjistrimin, portali të thotë që nuk keni plotësuar një kusht më përpara, ndërkohë që kushti është plotësuar, por portali tani thotë që nuk mund ta bëni veprimin, pa paguar gjobën, gjobën, ndërkohë që veprimi është bërë por nuk është regjistruar. Tani duhet të kalojnë rreth 3 javë që të zgjidhim një gjë që më parë kërkonte një kohë shumë të shkurtër. Ajo që nuk ka funksionuar sipas tij Sulejmanit është integrimi i sistemit të QKB me e-Albania ose AKSHI, dhe mesa duket janë bllokuar transaksionet e ndryshimit të kodeve, është bllokuar çdo ndryshimi statutor, nga 24 orë që ka qenë koha normale, tani shkon në 10 ditë”, shtoi ai./abcnews.al
Discussion about this post