Ish-kryeministri i Italisë Silvio Berlusconi ka shkaktuar shpërthime të forta në rradhët e opinionit publik pasi u shpreh se presidenti rus Vladimir Putin nuk donte luftë dhe u detyrua të pushtonte Ukrainën.
Sipas tij, Putin donte të zëvendësonte presidentin Volodymyr Zelensky me një udhëheqës më të mirë.
Berlusconi, partia e të cilit Forza Italia i përket një koalicioni të krahut të djathtë që pritet të fitojë zgjedhjet e përgjithshme të dielën, është një mik prej kohësh i Putinit dhe komentet e tij ka të ngjarë të alarmojnë aleatët perëndimorë.
“Putini u shty nga populli rus, nga partia e tij, nga ministrat e tij për të realizuar këtë operacion special”, tha Berlusconi për televizionin publik italian RAI vonë të enjten, duke përdorur formulimin zyrtar rus për luftën.
Plani i Rusisë fillimisht ishte të pushtonte Kievin “për një javë” dhe të zëvendësonte presidentin ukrainas të zgjedhur në mënyrë demokratike Volodymir Zelensky me “një qeveri të njerëzve të mirë” dhe të dilte “në një javë tjetër”, tha ai.
“Unë as nuk e kam kuptuar pse trupat ruse u përhapën rreth Ukrainës, ndërsa në mendjen time ato duhej të kishin mbetur vetëm rreth Kievit”, tha 85-vjeçari, i cili dikur e përshkroi Putinin si një vëlla më i vogël.
Discussion about this post