E rëndë/ Gjendet i pajetë një 28-vjeçar në një resort të Divjakës

Një ngjarje e rëndë ka ndodhur në Divjakë. Mësohet se është gjetur i pajetë një  28-vjeçar. I riu ishte punonjës në një resort të zonës.

Policia bën me dije se nga këqyrja paraprake nuk janë konstatuar shenja dhune dhe paprakisht dyshohet  se shtetasi me iniciale E.T ka ndërruar jetë për shkaqe natyrale.

“Në datë 23.09.2022, në një nga dhomat e punëtorëve të një resorti në Divjakë, është gjetur pa shënja jete shtetasi E. T., 28 vjeç, banues në Këmishtaj, Divjakë(punonjës në këtë resort).

Nga këqyrja paraprake nuk janë konstatuar shenja dhune. Paraprakisht dyshohet se ky shtetas ka ndërruar jetë për shkaqe natyrale. Grupi hetimor po punon për sqarimin e rrethanave të ngjarjes”, thuhet në njoftimin e policisë.