Deputeti i Partisë së Lirisë, Petrit Vasili ka reaguar në lidhje me arrestimet në Spitalin e Traumës, nën akuzën e ryshfetit. Përmes një mesazhi në ‘Facebook’, Vasili thekson se arrestimet janë drejtësi me regji. “Operacione gjiganteske, te planifikuara, te menduara, te stërholluara, te koordinuara, me police me maska dhe për çfarë; për arrestimin e mjekeve dhe të të moshuarës për kotecin e pulave.”
“Drejtësia me regji “lufte” me mjeket e kotecet, dhe “dashuri” me inceneratoret e shtesat e kateve!
Ryshfeti është i papranueshëm nga kushdo, por kjo përpjekja qesharake e Drejtësisë me regji për ta paraqitur si sukses te papare është vërtet një banalitet vulgar vetëm për qëllime propagandistike te qeverise.
Drejtësia me regji dhe shteti policor janë në një “lufte” madhështore me mjeket e keqpaguar dhe nen presionin e madh te punës se përditshme, me ata mjeke, qe përballuan Covidin dhe qe përballen me mijëra te sëmurë e familjare, qe nuk i paguan as sa Kosova.
Operacione gjiganteske, te planifikuara, te menduara, te stërholluara, te koordinuara, me police me maska dhe për çfarë; për arrestimin e mjekeve dhe të të moshuarës për kotecin e pulave.
Ndërsa për Inceneratorët ku janë vjedhur qindra milion euro Drejtësia me regji “harron, hutohet, ngatërrohet, nuk kujtohet, pengohet me këmbët e saj dhe ne fund nuk i arreston dot hajdutet e qeverise.
Drejtësia me regji dhe shteti policor vetëm habitet, çuditet dhe tromakset kur sheh qindra kate e kulla pa leje, por edhe këta nuk i arreston dot por bën gati VKM- ra qe ti amnistojnë.
Drejtësia me regji prap hutohet, harron, nuk kujtohet përballë AKSH-it, qe ka përpirë mbi 200 milion euro dhe nuk mbron dot te dhënat individuale dhe shtetërore.
Drejtësia me regji i ” harron” tenderat me 99.9% te çmimit, tenderat sekrete, por “harron” edhe rrugët e florinjta me dhjete fish te çmimit, por “harron” fare edhe koncesionet etj etj hajdutëria.
Ky është palaçollëku i drejtësisë me regji dhe shtetit policor te dashuruar me hajdutet qindra milion eurosh dhe te “egërsuar” pa fund për kotecin, pllakat pa leje të apartamentit dhe lekurinat e mjekeve.”
Discussion about this post