Nisma e bashkisë Elbasan për të shtruar rrugët në lagjen “Vullnetari” nuk është pritur mirë nga banorët . Teksa e konsiderojnë investimin elektoral ata kërkojnë investime serioze pasi sipas tyre prej 5 dekadash janë lënë në harresë nga qeveria.
Një përfaqësi banorësh kërkuan të hiqet dorë nga investime pa studime , pasi hedhja e inerteve në rrugë është një tallje për ta.
Shumë prej tyre kërkojnë kanalizime pasi i druhen faktit se reshjet e shiut do të sjellin përmbytjen e kateve të para.
“Këtu te ne ka 50 vjet që nuk investohet. Vijnë tani dhe hedhin një grusht inertesh se duan vota. Jemi kundër investimeve pa strukturë. Këto janë punime elektorale, ndaj mos të tallen me ne”.
Shqetësimit të banorëve të lagjes Vullnetari i është bashkuar kryetari i Partisë Demokratike Blendi Himçi.
Ai nder të tjera kërkoi transparencë për investimin.
Ne lidhje me pakënaqësitë e banorëve dhe denoncimin e PD-së kontaktoi me bashkinë e Elbasanit, por kjo e fundit preferoi të mos reagojë dhe të shprehë qëndrimin e saj.
Discussion about this post