Në bashkëbisedimin online me qytetarët, kryetari i Partisë Demokratike, Sali Berisha deklaroi se të gjithë ata që kanë ndërtuar kulla në shkelje flagrante me ligjin do të ndëshkohen sipas ligjit.
Mes të tjerash ai tha se këto kulla ishin dëshmia e shëmtuar e kapjes së shtetit.
Sali Berisha: Në çdo shkelje ligji do qëndrohet me rreptësinë e ligjit. Kullat janë dëshmia më e shëmtuar, më flagrante e kapjes totale të këtij pseudoshteti. Te kullat doli fytyra e vërtetë e një mashtruesi cinik, e Edi Ramës. Njeriu që për gardhe, kotece, qoshe, avllira, ka burgosur e dënuar 3400 qytetarë shqiptarë e ka ndjekur penalisht shumë të tjerë. Kur erdhi beteja me kulla ju tha tani; do paguhen me vlerë tregu katet shtesë pasi një pjesë e mirë e tyre janë monumente nacional-korrupsioni, ku Rama është bashkëpronar. Kullat do iu faturohen Ramës, Veliajt dhe atyre që janë në shkelje flagrante të ligjit.
Discussion about this post