Portugalia arriti një fitore të thellë në transfertë ndaj Republikës së Çekisë me rezultatin 0-4, teksa në vigjilje të sfidës me Spanjën, luzitanët ruajnë vendin e parë në Grupin 2 të Ligës A në Nations League.
Në listën e golashënuesve të Portugalisë si rrallëherë mungoi emri i Cristiano Ronaldos. Ai u bë protagonist me një asist në golin e katërt për Diego Jota.
Pas sfidës, trajneri i Portugalisë, Fernando Santos u shpreh se Ronaldo luan për shokët ndërsa shtoi se kapiteni është i lumtur për fitoren.
“Ronaldo nuk ia doli të shënonte, por ky është futbolli. Pati tre apo katër mundësi të mira, por e bëri punën e tij në fushë.
Luajti për shokët e skuadrës dhe ishte gjithnjë në vendin e duhur në fushë, ishte vendimtar me lëvizjet e tij dhe prandaj erdhën golat. Ai është i lumtur sepse skuadra fitoi”, tha Santos.
Discussion about this post