Gjendet trupi i pajetë i një burri në Vjosë, policia jep detajet

Një trup i pajetë është gjetur në lumin Vjosa nga policia.

Mësohet se viktima që dyshohet të jetë mbytur në rrjedhën e lumit është një 65-vjeçar nga Përmeti.

Njoftimi i policisë:

Rreth orës 15:00, në shtratin e lumit Vjosa,  është gjetur pa shenja  jete, dyshohet i mbytur shtetasi N. K., rreth 65 vjeç, banues në Përmet.

Ditën e sotme, bashkëshortja e shtetasit N. K. ka bërë njoftim se ky shtetas ishte larguar mbrëmjen e djeshme nga banesa.

Nga këqyrja paraprake nuk janë konstatuar shenja dhune.

Grupi hetimor vijon punën për zbardhjen e plotë të rrethanave të ngjarjes.