Aksion antidrogë në Athinë, oficerja greke plagos me armë 30-vjeçarin shqiptar

Një alarm është dhënë mëngjesin e së martës në zonën e Zografou në kryeqytetin grek, për shkak të të shtënave në Universitetin e Teknologjisë.

Lidhur me ngjarjen, sipas mediave greke, informacionet thonë se pak më vonë një ambulancë ka marrë një 30-vjeçar me origjinë shqiptare i cili është transferuar në Kryqin e Kuq.

Gjithçka nisi me një operacion të nëndrejtorit të Sigurimit të Athinës për drogën në rezidencat e vjetra të studentëve në Universitetin Politeknik. Operacioni nisi në orën 6 të mëngjesit, pas informacioneve se rezidencat e studentëve po përdoreshin për trafik droge si dhe bazë për grabitje në zonën e gjerë.

Ndërkohë që operacioni po zhvillohej, një punonjëse policie është ndjerë keq dhe ka vendosur të largohet me makinën e saj private. Teksa po shkonte drejt saj është sulmuar nga një burrë me origjinë shqiptare, rreth 30 vjeç. Nënkryetari i policisë ka qëlluar në këmbë 30-vjeçarin për të zmbrapsur sulmin.

Burri ka mbetur i plagosur dhe është dërguar në Kryqin e Kuq. Sipas informacioneve, ai jetonte në një rezidencë studentore së bashku me vëllain e tij, i cili gjithashtu u arrestua.