Këshilltarët e Bashkisë së Vlorës janë mbledhur ditën e sotme përpara teatrit “Petro Marko”, në pritje të mbledhjes me kryebashkiakun Dritan Leli, i cili i ka lajmëruar që nuk do të jetë i pranishëm.
Sot këshilltarët kanë shkuar pranë Teatrit, aty ku kanë vendosur karrige përballë institucionit që qëndron i mbyllur. Këshilltarët kanë vendosur një tavolinë ku është shënuar dhe emri i Lelit, edhe pse kanë qenë në dijeni se kryetari i bashkisë nuk do të jetë i pranishëm.
‘Faxweb’ bën të ditur se Leli ndodhet për një vizitë pune në Itali, dhe nuk do të jetë prezent edhe sot në mbledhje.
Përplasja për mbledhjen ka nisur tashmë prej afro një muaji, ku Leli refuzon që të mbajë mbledhje me dyer të mbyllura, pasi sipas tij kjo bie ndesh me rregullat e pandemisë.
