Paralajmëron Berisha: Nesër depozitojmë në Kuvend ligjin për Lustracionin e Dekomunistizimin

Kryetari i Partisë Demokratike, Sali Berisha tha se nesër do të depozitojnë në Kuvend ligjin për Lustracionin dhe Dekomunistizimin.

Berisha tha se ky ligj u miratua dhe në 2005, por u rrëzua nga Gjykata Kushtetuese.

“Ne vendosëm ligjin. Jemi të parët në Europë që votuam ligjin kundër gjenocidit të regjimit komunist. Nesër ne dorëzojmë ligjin në Kuvend për Lustracionin dhe Dekomunistizimit përsëri.

E miratuam në 2005 ligjin e Lustracionit, e rrëzoi Gjykata Kushtetuese në mënyrë të padrejtë. Qëndrojmë në vendimin tonë dhe do e dorëzojmë në Kuvend”, tha Berisha.