Meta takim me strukturat e PL: Të rinjtë do jenë kandidatë për zgjedhjet lokale

Partia e Lirisë ka nisur punën për organizimin e strukturave të saj në të gjithë vendin. Kryetari Ilir Meta është takuar sot me anëtaren e Komitetit Organizativ si dhe një nga drejtueset e rinisë në Qarkun e Korçës, Ismeralda Seidolli.

Meta shkruan në “Facebook” se gjatë takimit biseduan për çështje të organizimit të partisë, problemet për arsimin universitar si dhe për përfshirjen e të rinjve si kandidatë në zgjedhjet e ardhshme lokale.

Postimi i Metës:

Me anëtaren e Komitetit Organizativ, Ismeralda Seidolli, një nga drejtueset më të njohura të rinisë në Qarkun e Korçës dhe në gjithë vendin, kandidate për zgjedhjet parlamentare të vitit 2021, biseduam sot për çështjet e organizimit të partisë, problemet e arsimit universitar, si dhe përfshirjes së të rinjve si kandidatë në zgjedhjet e ardhshme lokale.

Të rinjtë në vendimmarrje dhe drejtim, do të jenë prioriteti im dhe Partia e Lirisë është platforma e tyre.