Pjetër Kola, 44- vjeçari që u qëllua me armë zjarri mbrëmjen e sotme në Vaun e Dejës, ka humbur jetën në sallën e operimit në Spitalin Rajondal të Shkodrës.
Ngjarja ndodhi mbrëmjen e sotme, ku Kola u dërgua i plagosur me armë nga dy persona të paidentifikuar në spital dhe më pas janë larguar.
Nuk dihen ende rrethanat e ngjarjes. Nuk dihet gjithashtu nëse bëhet fjalë për një atentat apo konflikt të çastit që ka degraduar në përdorimin e armëve.
Pritet të hetohet e shkuara e viktimës, për të parë nëse rezulton ose jo me precedent penale. Po ashtu pritet të zbardhen detaje pas marrjes në pyetje të familjarëve të viktimës, Pjetër Kola.
Kjo ngjarje vjen vetëm 9 ditë pas vrasjes së 19- vjeçarit Erjon Xhenje, që trondit opinionin publik. Autori i dyshuar për vrasjen e të riut është identifikuar, por për arsye hetimore emri i tij nuk është publikuar ende.
Discussion about this post