Prokuroria pranë Gjykatës së Shkallës së Parë Elbasan njofton se sot ka depozituar në Gjykatën e Shkallës së Parë Elbasan kërkesën për ekstradimin në Turqi të shtetasit turk të arrestuar më datë 30.08.2022 Faruk Fatih Ozer.
Autoritetet turke të drejtësisë kanë transmetuar përmes Ministrisë së Drejtësisë materialet e plota që kanë të bëjnë me kërkesën për ekstradim në Turqi të shtetasi Faruk Fatih Ozer.
Ai është në kërkim ndërkombëtar pasi Gjykata e Shkallës së Parë në Stamboll me vendimin datë 07.05.2021 ka caktuar ndaj këtij personi masën e sigurisë “Arrest në burg” për disa vepra penale të kryera në Turqi.
Faruk Ozer nga ana e tij ka thënë se ndaj tij po bëhet sulm politik, ndërsa kërkoi që të mos ekstradohej, procedurë e cila tanimë ka nisur.
Arrestimi i Ozer bëri bujë në mediat turke, ndërsa solli në vendin tonë më 1 shtator Zv/drejtorin e Përgjithshëm të Policisë turke, njëkohësisht edhe Drejtor i Departamentit të Krimit të Organizuar, Resul Holoğlu.
Policia ra në gjurmët e Faruk Fatih Ozer rreth 10 ditë para se ai të arrestohej, ndërsa besohet se ai është mbajtur nën përgjim, deri në arrestimin e tij.
Discussion about this post