Kryebashkiaku i Elbasanit, Gledjan Llataj, shpërdoron fondet për aferat korruptive edhe pse bashkia që ai drejton është e zhytur në borxhe dhe ka probleme financiare. Bëhet fjalë për prokurimin me objekt “Përmirësim i infrastrukturës kryesisht në zona informale që janë proces legalizimi”, për të cilin do të shpenzohen 175 milionë lekë të vjetra. Ky tender është i nxirë në shkelje, prandaj edhe Open Data Albania e ka renditur te prokurimet me “Red Flag”, çka do të thotë se; ka sjellë rrezik potencial për abuzime përmes praktikave korruptive dhe mosrespektimit te ligjeve anti-korrupsion. Shkelja e parë është mungesa e konkurrencës, pasi ka paraqitur ofertë vetëm kompania “Ergi Shpk”. Duke qenë se pronari i saj, Ergi Balla, është tashmë i njohur si miku i Llatajt, ky i fundit nuk ka pritur më dhe menjëherë e ka shpallur atë fitues. Ndërkaq, Ergi Shpk kishte paraqitur ofertë sa 87% e fondit limit.
Në raportin e publikuar nga Ministria e Financave evidentohet se Elbasani ishte një nga bashkitë që ka çuar në 55 milionë euro borxhin e krijuar vetëm nga vendorët për vitin 2021. Dhe pavarësisht se shefi i tij, Edi Rama, i ka kërkuar Llatajt që të reduktojë detyrimet e prapambetura, ky i fundit i shpenzon paratë për të investuar në zonat e palegalizuara.
Aferat e Llatajt me Ergi Ballën
Edhe 2 javësh kryabshkiaku Gledjan Llataj kryeu një tjetër procedurë me shkelje. Bëhet fjalë për 169 milionë lekë për të siguruar automjetet që do të përdoren për shpërndarjen e mbetjeve brenda landfillit. Në fakt tenderin e ka hapur “ECO ELB Sh.A”, por që merr urdhra nga kryebashkiaku. Pjesëmarrës sipas dokumenteve është vetëm “ERGI” sh.p.k. që është shpallur edhe fitues.
Kompania në pronësinë e Ergi Ballës ka ofruar sigurimin me 18 mijë lekë. Ky operator do të sigurojë mjetet që i duhen për transportin e mbetjeve të rënda, përfshirë dhe buldozerët për të shpërndarë mbetjet brenda landifllit. Në fakt prej fundit të vitit të shkuar incineratori i Elbasanit është sekuestruar nga SPAK pas hetimeve për korrupsion me koncesionin. Por, as ky vendim nuk e ndal Llatajn që sëbashku me ECO ELB Sh.A” të nënshkruajnë kontrata milionëshe në kurris të buxhetit të shtetit.
Discussion about this post