Gjykata e Tiranës ka dhënë masat e sigurisë për 7 të arrestuarit për mashtrimin me TVSH-në, për 13 kompani që lëshuan 1.2 mld lekë fatura fiktive dhe i vodhën shtetit mbi 3 mln euro.
Gjykata ka caktuar masën arrest me burg për Amarildo Hasrama, Besim Ruçi dhe Ajet Aluku, dhe Nelit Mihola, pronarë subjektesh. Gjykata vendosi arrest shtëpie për Bledar Gupen, Xhersi Sulajn dhe detyrim paraqitje për Anxhelo Ruçin. Po ashtu gjykata ka vendosur arrest në burg dhe për Nelit Miholën, i cili është në kërkim.
Kompanitë e biznesmenëve të marrë nën hetim kanë lëshuar fatura fiktive duke mos kryer asnjë blerje dhe duke mos ushtruar në asnjë moment aktivitet ligjor. Kompanitë kanë vjedhur shtetin nëpërmjet skemave të mashtrimit me Tatimin mbi Vlerën e Shtuar, duke prerë fatura fiktive me vlerë rreth 11 mln euro, për të cilat shteti i ka kthyer mbrapsht 2.8 milionë euro. Ndërkohë Besim Ruçi, i cili u la në burg është ish-kanidat i PS-së për deputet në zonën e Farkës.
Discussion about this post