Kryetari i Partisë Demokratike, Sali Berisha ka publikuar ditën e sotme një denoncim të bërë nga qytetari dixhital.
Ai përmes një postimi në Facebook thekson se policia i ka vjedhur 6 mijë euro njërës prej shtetaseve të huaja që u arrestua të premten për prostitucion në Tiranë.
“Policia i vjedh 6.000 euro spanjolles të ndaluar si punonjëse seksi. Policia është e mbushur me delinkuentë nga Partia e Krimit dhe Çuçi i familjes!
Shefat kanë marrë para dhe fshehin denoncimin dhe krimin.
Lexoni denoncimin e qytetarit dixhital.
Përshëndetje Z.Berisha. Po ju jap një informacion të fundit që ka të bëjë me korrupsionin në policinë e Tiranës. Dje me datën 29.09.2022 Seksioni i Trafiqeve në Drejtorinë e policisë Tiranë ka zhvilluar një operacion ku janë shoqëruar 6 femra të huaja të dyshuara për prostitucion ku një prej tyre është arrestuar. Njërës nga femrave të shoqëruara të kombësisë spanjolle punonjësi i policisë se antidrogës Dritan Jaupaj së bashku me oficerin e trafiqeve Alket Pashai dhe tre punonjës të tjerë policie i kanë vjedhur nga çanta një shumë prej 6.000 Eurosh. Kjo shtetase e ka bërë problem është ankuar por shuma e parave nuk i është kthyer. Nga kjo shumë sipas të dhënave ka marrë pjesën e tyre shefi i trafiqeve Ilia Goga dhe shefi i sektorit Arbër Zemani. Është informacion 100% i saktë. Femra e vjedhur është e kombësisë spanjolle. Bashkëlidhur po ju dërgoj profilin e hajdutit Dritan Jaupaj dhe njoftimin zyrtar të policisë për këtë “sukses”.
Ndërsa Arbër Zemani është i famshmi i Durrësit qe ju keni bërë statuse dhe është kthyer me ndërhyrjen e fuqishme të Perlat Cullhaj Tek Ministri i Velierës Bledi Cuçi duke e katapultuar Zemanin shef sektorit për narkotiket dhe trafiqet në Drejtorinë e Policisë Tiranë.”
Discussion about this post