FSHF ka hedhur poshtë lajmet e fundit që çojnë në krye të kombëtares italianin Luigi Di Biagio. Institucioni më i lartë i futbollit në vend e ka përgënjeshtruar këtë lajm përmes një komunikate.
“Federata Shqiptare e Futbollit dëshiron të informojë dhe sqarojë të gjithë opinionin publik e mediat se zërat që kanë qarkulluar orët e fundit në lidhje me një marrëveshje të mundshme me Luigi Di Biagion për drejtimin e Shqipërisë janë totalisht të pavërteta dhe një spekulim i pabazë.
Kombëtarja shqiptare e futbollit ka në drejtimin e saj trajnerin Edoardo Reja, i cili është ende nën kontratë e vazhdon punën e tij.
Federata Shqiptare e Futbollit bën me dije se fokusi ynë është te shorti i Kampionatit Europian 2024, i cili do të hidhet në datë 9 tetor në Frankfurt”, shkruan FSHF në reagimin e saj.
Discussion about this post