Pas ngjarjes së rëndë të ndodhur në Klos ku një familje u grabit dhe u dhunua, ka reaguar dhe deputetja e PD-së Dhurata Çupi.
Përmes një postimi në “Facebook”, ajo i bën thirrje policisë dhe prokurorisë së Dibrës për zbardhjen e ngjarjes, duke shtuar se pasiguria e qytetarëve është e papranueshme.
Postimi i Dhurata Çupit:
Ngjarja e rëndë kriminale e grabitjes dhe dhunimit të familjes Lleshi, në fshatin Dom, Klos ka prekur të gjithë banorët e kësaj zone . Siç edhe e deklarojnë banorët e fshatit , familja Lleshi njihet si familje punëtore, e ndershme e paqtë. Si deputete e tyre, në qarkun Dibër, kërkoj Policisë së Shtetit dhe Prokurorisë së Rrethit Dibër të zbardhin menjëherë ngjarjen që ka tronditur komunitetin fisnik të Klosit.
Vonesa në zbardhjen e ngjarjes janë rënduese për drejtorinë vendore të qarkut Dibër. Gjendja e pasigurisë në vend është e papranueshme . Jeta e qytetarëve duhet të jetë e barabartë, e sigurtë dhe me vlerë, si në Tiranë, Vlorë dhe Dibër.
Discussion about this post