Rrëzohet amerikani në kanionet e Tepelenës, policia dhe zjarrfikësit në vendngjarje

Rrëzohet një shtetas amerikan në kanionet e Pesturës në fshatin Progonat të Tepelenës.

I riu është identifikuar si W.L, 20 vjeç.

Mësohet se shërbimet e policisë, në bashkëpunim me ato zjarrfikëse, shërbimet e spitalit dhe banorë të zonës, kanë bërë të mundur nxjerrjen e të riut nga vendi ku ishte rrëzuar.

Shtetasi W. L. po transportohet në spital, për të marrë ndihmë mjekësore, pasi ka marrë dëmtime në pjesë të ndryshme të trupit.

Në vendngjarje ndodhet grupi hetimor, i cili po punon për sqarimin e rrethanave të situatës.