Armando Sadiku shënoi një tjetër gol me fanellën e Cartagena. Sulmuesin numëron 4 rrjeta të tundura këtë sezon dhe rivalizon me Myrto Uzunin, autor të 6 golave me fanellën e Granada këtë sezon.
Sadiku foli në Supersport në emisionin “Analizë kuqezi” për rivalitetin me beratasin dhe për rikthimin në kombëtare. “Në javët e para, kur Uzuni filloi të shënojë gola, lojtarët e skuadrës time nuk e njihnin dhe më pyesnin se kush është ky, që po luan kaq mirë dhe po bën kaq mirë.
Tani Myrto po tregon veten, pasi luan në një ekip me buxhet shumë të madh, me lojtarë me kualitet dhe po tregon veten, duke shënuar 6 gola deri tani. Unë jam krenar për duelin me të, pasi jemi dy shqiptarë dhe po ngremë edhe emrin e vendit tonë”.
“A pres ftesë me Italinë? E pres me shumë emocion dhe si të ishte ftesa e parë që më ka ardhur dikur në kombëtare. Unë dua të kthehem të luaj me kombëtaren, sidomos tani që jam duke luajtur dhe shënuar.
Po kaloj një formë shumë të mirë. Duke njohur veten time, e di që mund të jap ende shumë për të dhënë në Kombëtare, por edhe në karrierën time”, tha Sadiku gjatë emisionit.
Discussion about this post