Kreu i Partisë së Lirisë, Ilir Meta u shpreh se është i gatshëm të bashkëpunojë me Partinë Demokratike për zgjedhjet e ardhshme lokale dhe fuqizimin e aksionit opozitar.
Në një konferencë për mediat pas takimit me Berishën, Meta u shpreh se përballjen e ka me Ramën dhe çdo vonesë i jep kohë “kryeministrit të blejë opozitarë dhe t’i bëjë presion qytetarëve”.
“Isha në terren sapo takova një grup të mrekullueshëm të rinjsh. Bashkimi i qytetarëve shqiptarë për ti dhënë fund këtij shteti të kapur nga rilindja që po shpopullon Shqipërinë. S’do ketë vonesë nga Meta. Partia e Lirisë është e hapur për të bashkëpunuar me çdo faktor opozitar, në radhë të parë me PD. Ka qenë dhe është e gatshme të bashkëpunojë dhe të forcojë aksionin opozitar. Lojërat e ish-lideshipit të PD që e përdorte për shantazhet e veta tek qeveria, Kjo nuk ekziston tek PL përballjen e ka me Edi Ramën, do të bashkojë me forcat e tjera që janë realisht në opozitë me Ramën, çdo vonesë i jep kohë të blejë opozitarë, të rrisë presionin ndaj qytetarëve, duhet që vala e zemërimitt të kthehet në presion publik”, tha Meta.
Discussion about this post