Aksident në Vlorë/ Makina përfundon në kanal, plagoset shoferi

Një aksident i rëndë është regjistruar pasditen e kësaj të mërkure në Vlorë. Burime bëjnë me dije se një 55-vjeçar duke drejtuar mjetin e tij tip ‘Benz’ ka humbur kontrollin dhe ka dalë nga rruga. Ngjarja ka ndodhur rreth orës 16:40 në vendin e quajtur rreth rrotullimi i Nartës.

Mjeti ka qenë me shpejtësi të lart gjë që ka shkaktuar humbjen e kontrollit nga shoferi duke përfunduar në rotondon e madhe që është në hyrje të qytetit të Vlorës. Mjeti ka përfunduar në kanal  ndërsa shoferi është shoqëruar drejt spitalit dhe ndodhet jashtë rrezikut për jetën.

Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.