Salianji, interpelancë me Çuçin, çfarë pritet të ndodhë sot në Kuvend

Këtë të enjte do të mbahet seanca plenare në Kuvend, ku do të diskutohen një sërë temash. Seanca nis në orën 10:00 me diskutime mes maxhorancës dhe opozitës, për të vijuar më pas me miratime të projektligjeve.

Në rendin e ditës është parashikuar dhe një seancë pyetje-përgjigje nga ana e ministrit të Brendshëm Bledi Çuçi, kërkuar nga deputeti demokrat Ervin Salianji.

Rendi i ditës:

Mbledhjen e Kuvendit në seancën plenare të datës 6.10.2022, ora 10:00.
Rendi i ditës i seancës plenare është si më poshtë:

Miratimi i procesverbalit të seancës plenare të datës 3.10.2022.

Njoftime.

Kërkesë për thirrjen e drejtuesit të Entit Rregullator të Energjisë në seancë plenare, si dhe kërkesë për mocion me debat publik urgjent në Kuvendin e Shqipërisë.

Interpelancë me Ministrin e Brendshëm, zotin Bledar Çuçi, kërkuar nga deputeti Ervin Salianji.

Projektligj “Për ratifikimin e marrëveshjes me shkëmbim notash ndërmjet Këshillit të Ministrave të Republikës së Shqipërisë dhe qeverisë së Japonisë mbi bashkëpunimin ekonomik japonez për projektin për përmirësimin e pajisjeve për konservimin, restaurimin dhe mjedisin ekspozues në Muzeun Historik Kombëtar të Shqipërisë”.

Projektvendim “Për një ndryshim në vendimin nr. 69/2021 “Për caktimin e anëtarësisë së komisioneve të përhershme të Kuvendit”, i ndryshuar”.
Projektvendim “Për ngritjen e Nënkomisionit për Mjedisin dhe Bujqësinë, si pjesë e Komisionit për Veprimtarinë Prodhuese, Tregtinë dhe Mjedisin”.
Diskutime për çështje jashtë rendit të ditës.

III. Ngarkohen shërbimet e Kuvendit për publikimin e rendit të ditës të seancës plenare, njoftimin e anëtarëve të Kuvendit me anë të mjeteve të komunikimit elektronik, si dhe përgatitjen e dokumentacionit parlamentar që do të shqyrtohet.

Ky urdhër hyn në fuqi menjëherë.