Policia ka ndaluar një 58-vjeçar në Vlorë, pasi ishte shpallur në kërkim për kanosje dhe për armëmbajtje pa leje. Burri i shpallur në kërkim kishte kanosur me armë zjarri një person në fshatin Karbunarë.
Gjykata e Rrethit Gjyqësor Vlorë, me vendimin e datës 27.07.2022, i ka caktuar këtij shtetasi, masën e sigurisë “Arrest në burg”, për veprat penale “Kanosja” dhe “Armëmbajtja pa leje”, sepse dyshohet se më datë 06.06.2022, në fshatin Karbunarë, Selenicë, ka kanosur shtetasin N. M., për motive të dobëta, me armë zjarri automatike.
Njoftimi i policisë:
Vlorë/Vijojnë kontrollet për kapjen e personave në kërkim dhe vënien e tyre përpara përgjegjësisë ligjore.
Finalizohet operacioni policor i koduar “Karbunarë”.
Kapet dhe vihet në pranga, një shtetas i shpallur në kërkim për veprat penale “Kanosja” dhe “Armëmbajtja pa leje”.
Në vijim të punës për kapjen e personave të shpallur në kërkim dhe vënien e tyre përpara përgjegjësisë ligjore, nisur dhe nga informacionet e marra në rrugë operative për vendndodhjen e një shtetasi të shpallur në kërkim, shërbimet e Forcës së Posaçme Operacionale të DVP Vlorë, në bashkëpunim me shërbimet e Forcës “Shqiponja”, kanë organizuar operacionin policor të koduar “Karbunarë”, si rezultat i të cilit, në fshatin Karbunar, u kap dhe u ndalua shtetasi në kërkim F. K., 58 vjec, banues në Karbunarë, Selenicë.
Gjykata e Rrethit Gjyqësor Vlorë, me vendimin e datës 27.07.2022, i ka caktuar këtij shtetasi, masën e sigurisë “Arrest në burg”, për veprat penale “Kanosja” dhe “Armëmbajtja pa leje”, sepse dyshohet se më datë 06.06.2022, në fshatin Karbunarë, Selenicë, ka kanosur shtetasin N. M., për motive të dobëta, me armë zjarri automatike (e cila është sekuestruar nga Policia, ditën e ngjarjes).
Materialet janë referuar në Prokurorinë pranë Gjykatës së Rrethit Gjyqësor Vlorë, për veprime të mëtejshme.
Discussion about this post