Ndryshimi i masës së sigurisë nga arrest me burg në arrest shtëpie për Alqi Bllakon, sipas Arben Ristanit tregon mungesë vullneti për të hetuar çështjen e inceneratorëve.
Anëtari i Kryesisë së PD-së, i ftuar në emisionin “Open”, deklaroi se masa e sigurisë ndryshohet kur ndryshojnë dhe rrethanat e hetimeve.
Sipas tij, SPAK nuk ka guxuar që t’i vërë përpara drejtësisë autorët e vërtetë të skandalit të inceneratorëve.
“Për mua ka një praktikë të gabuar që nuk është e sotme por është prej vitesh. Sipas ligjit arresti me burg është masë e fundit kur çdo masë tjetër është e papërshtatshme. Këtu është përdorur gjerësisht duke siguruar në burg të pandehurit gjatë hetimeve. Në parim është abuzuar me arrestin në përgjithësi. kur ndryshohet masa e sigurimit duhet të kishin ndryshuar rrethanat kur u mor vendimi i parë. Nuk e dimë cilat rrethana kanë ndryshuar sepse fëmijët i ka pasur edhe në momentin që është marrë vendimi i parë.
Nuk duket të ketë ndryshim të rrethanave. Shoh në përgjithësi një pavullnet për të hetuar këtë çështjes, një nga skandalet më të mëdha korruptive në vend. Hetimi duhet të ishte më i shpejtë e gjithë përfshirës për aktorë që SPAK nuk ka guxuar ti vërë para drejtësisë. lojë që banda në pushtet e luan përmes të vetëve që të ulë impaktin publik të çështjes”, tha ai.
Discussion about this post