Deputetja e Partisë Demokratike Jorida Tabaku ka dalë me një mesazh para mbledhjes së sotme të ERE.
Në takim do të vendoset për shtyrjen e rritjes së çmimit të energjisë për kalimin e fashës 800kwh në muaj.
Tabaku deklaroi se nuk ka arsye që çmimi i energjisë të bëhet më i larti në rjaon, ndërsa i bëri thirrje ERE-s që të veprojë sipas funksionit të saj kushtetues dhe në interes të qytetarëve.
Ajo tha se “qeveria ka fonde për të mos rritur çmimin” dhe mund të mos e kthejë këtë krizë nga një krizë korrupsioni në krizë të buxhetit familjar.
“Sot bordi do mari një vendim për shtyrjen e vendimit me një muaj. Kërkesa ime qëndron e njëjtë, nuk ka nevojë për rritjen 4 herë të çmimit të energjisë. Nuk ka nevojë që shtresa e mesme të behet shtresa më e tarifuar në Shqipëri për energjinë. Argumentet që dhashë 2 javë më parë janë ato që ERE po përdor sot për të shtyrë vendimin me 1 muaj. ERE duhet të ushtrojë funksionin e saj kushtetues dhe të mbrojë interesin e qytetarëve. Nuk ka arsye që çmimi i energjisë të bëhet më i larti në rajon. Informacionet tregojnë që qeveria i ka fondet që mos ta kthejë këtë krizë nga një krizë korrupsioni në krizë të buxhetit familjar”, tha Tabaku.
Discussion about this post