Trondit ish-komisari: Po u zbardh rasti i Martinajt shkon në burg gjysma e ish-drejtorëve të policisë

Rasti i zhdukjes së të shumëkërkuarit Ervis Martinaj është kthyer në një nga temat më të diskutuara në Shqipëri.

Për këtë çështje ka folur edhe ish-komisari i policisë, Dritan Zagani. Sipas tij, policia është e vonuar për zbardhjen e rastit.

“Përderisa kemi këtë shtet, policia është pasqyrë e këtij shteti. Përderisa kemi një ministër që thotë krimi sjell zhvillim, çfarë presim nga policia. Policia jo thjesht është e vonuar, por mund të përdoret edhe për propagandë për të kamufluar një tjetër gjë. Pse Martinaj ishte gjithmonë në komandë të lëvizjes së policisë? Komandonte shtetin me shumat marramendëse. Atë e ka marrë në qafë egoja e tij. Sa më thellë policia të shkojë, aq më shumë kupton se në çfarë llumi ka rënë.

Po të zbardhet e gjithë ngjarja, gjysma e drejtorëve të policisë përfundojnë në burg, gjithë shqiptarët janë të sigurt, por mua mu dha mundësia ta them publikisht”, tha Zagani.