Ish-deputeti demokrat, Gerti Bogdani është shprehur se kryetari i Bashkisë Tiranë, Erion Veliaj ka rritur me 44% çmimin e ujit, ndërsa e ka sfiduar të pijë ujë nga rubineti i Bashkisë. “Veliaj jo vetëm që nuk ka sjellë 24 orë, por mesa duket nuk i ka sjellë as në muaj kaq, ai madje ka rritur çmimin e ujit. Nëse çmimi para se të vinte ai në bashki çmimi i ujit ishte 44 lekë për metër kub, sot çmimi është 64 lek për metër kub. Pra, 44% më i shtrenjtë për banorët e Tiranës. ajo që është më e rënda është cilësia e ujit, sepse qytetarët detyrohen që të blejnë ujë të paketuar. Ai e ka pranuar vetë që shkon dhe e blen vetë ujin. Pse nuk shkon të pijë ujë nga rubineti i bashkisë së Tiranës. të dalë me ato 30 kamerat në bashkinë e Tiranës dhe të pijë”, tha Bogdani.
Në një intervistë për ORA tv ai tha se tenderët me flamur të kuq, nuk kanë fund dhe se Tirana është kthyer në një vend me kanale të hapur e korsi biçikletash.
“Shumë nga tenderët e bashkisë janë shënuar me flamur të kuq, pasi bëhen pa garë. Ka edhe tendera që bëhen nga 3-4 herë sikurse po bën me korsinë e biçikleta. Hapin kanale nëpër rrugë duke shkaktuar zhurmë dhe ndotje, por edhe para të çuara dëm. Edhe shkollat i bën nga 3-4 milionë euro, ndërsa BE-ja në Shqipëri i bën me 680 mijë euro një shkollë. Bashkia abuzon dhe ka transparencë zero.
Discussion about this post