Rritja rekord e çmimit të naftës që shkoi në 245 lekë për litër, ka sjellë reagimin e deputetit të Partisë Demokratike Ervin Salianji.
Ai shprehet se bordi i ngritur nga qeveria për këtë fenomen, është garanci e abuzimit me çmimet e karburanteve.
Ndër të tjera, Salianji i bëri thirrje qytetarëve që të ngrihen në protestë.
“Qytetarët vazhdojnë të paguajnë çmimin më të lartë të karburanteve në rajon dhe ndër më të shtrenjtët në botë, qeveria të vetmin kujdes ka të mbrojë oligarkët nëpërmjet bordit dhe favorizimeve të tjera si kontrabanda! Nga rritja pa limit e çmimit po pasurohet qeveria, po pasurohen oligarkët dhe po varfërohen përditshëm qytetarët!
Kontrabanda e naftës ndërkohë rritet proporcionalisht me rritjen e çmimit, së paku tre herë anijet nga një vend nën embargo si Libia kanë zbarkuar në Shqipëri! Protesto!”, thekson ai.
Discussion about this post