Detaje të reja janë zbardhur për ngjarjen e rëndë në Elbasan. Mësohet se autori 54 vjeçar ka qenë në gjendje të dehur në momentin që ka ndodhur sherri me 21-vjeçarin.
Shtetasi me inicialet P.R ofendoi dhe plagosi me thikë të riun me inicialet F.SH. Ky i fundit ndodhet në spitalin rajonal, ku po merr ndihmën mjekësore.
“Në lagjen “28 Nëntori”, Elbasan, dyshohet se pas një konflikti të çastit për motive të dobëta, shtetasi Petrit R. 54 vjeç, banues në Elbasan, ka plagosur me mjet prerës (thikë), shtetasin Fabio Shyba, 21 vjeç, banues në Elbasan, i cili ndodhet në spital, për ndihmë mjekësore.
Autori i dyshuar, shtetasi P. R. është lokalizuar dhe kapur brenda pak minutash, pas ngjarjes. Aktualisht ndodhet në ambientet e Policisë, për veprime të mëtejshme procedurale. Grupi hetimor, nën drejtimin e Prokurorisë, vijon veprimet hetimore për zbardhjen e plotë të rrethanave të ngjarjes”-thuhet në njoftimin e policisë.
Discussion about this post