Deputetët e Partisë Demokratike kanë folur sot në lidhje me daljën me një kandidat të vetëm në zgjedhjet e ardhshme lokale që do të mbahen vitin tjetër.
Konkretisht, Grida Duma u shpreh para takimit të thirrur nga kreu i grupit parlamentar të djathtë Enkelejd Alibeaj, se askush nuk mund ta çojë PD në skenarin e 6 marsit.
“Një kandidat dhe askush nuk ka të drejtën të çoje më PD në skenarin e 6 marsit. Le të diskutojmë dhe të qëndrojmë në interesin e demokratëve dhe të opozitës. Opozita dhe demokratët dhe më gjerë, shqiptarët presin një opozitë të unifikuar, kur mendojmë që mund të unifikohemi me të gjithë aleatët të vegjël apo të mëdhenj brenda vetes e kemi detyrë”, u shpreh Duma.
E pyetur nëse kandidatët duhet të dalin përmes primareve, Duma u shpreh: “Mënyra sesi identifikohen kualitetet e mira për të garuar, mund të jenë edhe primarët. Derisa diskutojmë që ka bashki për aleatët mirëkuptimi dhe vazhdimi i diskutimeve duhet të jetë i gjithanshëm”.
Discussion about this post