Deputeti i PD Gazmend Bardhi në një deklaratë për mediat, tha se ai dhe grupi i tij nuk pranojnë kushte nga askush. Bardhi theksoi se me aq sa ka dijeni, Berisha ka vënë Palokën, si një njeri me të cilën mund të bisedohet. Për Bardhin, do të negociohet mundësia që demokratët të kenë një kandidat në zgjedhjet lokale.
Bardhi: Në dijeninë time, zoti Berisha ka caktuar zotin Paloka për të biseduar. Unë do kontaktoj me zotin Paloka. Është koleg i imi. Nuk do negocioj me zotin Paloka. Por do ulemi të bisedojmë për të hulumtuar mundësinë që demokratët të kenë një kandidat në zgjedhjet lokale. Duke qenë një kandidat i përbashkët i demokratëve, shanset rriten në mënyrë të konsiderueshme.
Pyetje: Do pranoni procesin e primareve?
Bardhi: Nuk bëj bisedime përpara kamerave. Do bisedoj me zotin Paloka, do shoh se kush është qëndrimi i kolegëve të tjerë. As nuk hyjmë me kushte, as nuk pranojmë kushte.
Demokratët duan bashkëpunim të çdo faktori opozitar për të mundur Edi Ramën në zgjedhjet e ardhshme lokale. Si do biem dakord për modalitetet, do shohim. Unë shkoj për të biseduar me një koleg të nderuar.
Discussion about this post