Dega e PD në Elbasan ka organizuar një protestë për rritjen e çmimit të karburanteve. Me moton “Boll Heshtëm” shumë qytetarë janë mbledhur në sheshin “Gensher”, duke i fikur makinat në shenjë revolte ndaj çmimit të lartë.
“Çmimet në fund fare, më të larta nuk kanë ku të vejnë më. Nuk përballohet asgjë. Me pensionet që kemi ne, gjoja na ka shtuar 6%, por na i ka marrë përpara, na kanë rrit taksat. Kjo qeveri nuk duhet të ekzistojë. Çmimet mbase janë të larta në shumë vende të botës, por këtu janë rroga të ulëta”, tha një pensioniste.
Ndërkohë, vetëm pak ditë më parë, kryedemokrati Sali Berisha ftoi qytetarët që të reagojnë kundër çdo padrejtësie të qeverisë duke protestuar, ndërsa në të njëjtën linjë me të është edhe Ilir Meta, i cili gjithashtu është shprehur se kjo kohë do të shoqërohet me protesta dhe zgjedhje.
Discussion about this post