Avokati i Popullit/ Grupi i Alibeajt zgjedh kandidaturën, ja emri që pritet të shkojë për votim në parlament

Grupi opozitar i PD me në krye Enkelejd Alibeajn duket se e ka zgjedhur emrin e kandidatit që do të shkojë në parlament për tu votuar si Avokat i Popullit. Bëhet fjalë për juristin Ledio Braho, i cili ka marrë 16 vota mbështetëse nga deputetët e djathtë, ndërkohë që Dorian Gjokmarkaj mblodhi 12 vota.

Megjithatë, mësohet se kryetari i Grupit Parlamentar të Partisë Demokratike, Enkelejd Alibeaj, ende nuk ishte bindur për të çuar në Parlament për t’u votuar emrin e Ledio Brahos.

Ai shprehur se do të thërrasë në një takim dy kandidatët për të vendosur me ta se cili do të jetë emri që do t’i dërgohet Parlamentit për Avokatin e Popullit.

Nga ana tjetër, kreu i Grupit të PS-së, Taulant Balla, në mbledhjen e fundit të Grupit të PS mësohet të jetë shprehur se nuk do të presë shumë gjatë opozitën për të zgjedhur Avokatin e Popullit.