Në një deklaratë që dha sot për mediat në lidhje me operacionin e koduar “Storage” , ku u vunë në pranga burrë e grua nga Saranda për shitje medikamentesh kontrabandë, kryekomisari i Policisë së Vlorës Gentian Berberi u pyet edhe në lidhje me aksionet e fundit të uniformave blu në Vlorë.
I pyetur nëse policia ka patur informacion se nëse i shumëkërkuari Ervis Martinaj ka qëndruar në qytetin bregdetar para se të zhdukej, ai u përgjigj se ka një plan të detajuar nga efektivët, dhe kontrollet do të vijojnë në javët që do të vijnë.
“E vërtetë që FNSH ka qenë prezent ne qytetin e Vlorës. Ka një plan të detajuar nga shërbimet e policisë, e kemi pasur dhe mbështetjen e tyre. Këto kontrolle do vijojnë e në javët në vijim ne lidhje me procedimet qe kane ngritur skuadrat e hetimit. Është një çështje që nuk i përket qarkut të Vlorës”, deklaroi drejtori i Drejtorisë Vendore të Policisë Vlorë.
Discussion about this post