Ditën e sotme Prokuroria e Tiranës ka kërkuar 27 vite burg për tre shtetas francezë. Ata u kapën me 1.2 milion euro false gjatë një kontrolli në aeroportin e Rinasit. Mbi të huajt rëndon akuza e falsifikimit të parave.
Prokurori Bledar Vatnikaj ka kërkuar dënimin me nga 9 vite burg për shtetasit Jennifer Chollet, Zinedin Nkeh dhe Jose Ngakam. Për shkak të gjykimit të shkurtuar ata perfitojne 1/3 e uljes së dënimit, dhe nëse shpallen fajtor nga gjykata do dënohen me nga 6 vite burg.
Shtetasit e huaj kanë mohuar akuzat per futjen në Shqipëri të mijera eurove te falsifikuara dhe letrave “Lastra”, dhe kanë kërkuar pafajësi. Sipas prokurorisë këta shtetas ne bashkëpunim me njeri-tjetrin kanë tentuar të fusin në qarkullim në territorin e Republikës së Shqipërisë rreth 1.2 milion Euro, kartmonedha te cilat i janë sekuestruar shtetasit Jose Ngankam.
Discussion about this post