Debati për krizën energjitike ka filluar të shtrihet në të gjithë botën. Gjithashtu pasojat nuk do të ngelen pa u ndjerë dhe në Europë. Nisur nga kjo situatë, ministri italian Renato Brunetta ka publikuar një vendim, në bazë të së cilit punonjësit e administratës publike do të përfitojnë rritje rrogash në rast se do të kursejnë energjinë elektrike.
“Energjia e shtrenjtë ndikon edhe në administratën publike, aq sa ministri aktual i funksionit publik, Renato Brunetta, iu desh t’i drejtohej sensit të shëndoshë të punonjësve të tij duke shfrytëzuar rëndësinë e shmangies së mbeturinave për të kursyer burime që mund të përdoren ndryshe. për shembull për të rritur shumat e listës së pagave.
Ministri, pra, luan kartën e rritjes së pagave për të “bindur” punonjësit publikë për nevojën e kursimit të energjisë, duke rikthyer temën e dividentit të efiçencës, koncept që u prezantua nga vetë Brunetta në vitin 2009, vite të rishikimit të shpenzimeve. Pa harruar se, siç kërkohet nga dokumenti “Dhjetë veprime për kursimin e energjisë dhe përdorimin inteligjent dhe racional të energjisë në Administratën Publike”, parashikohet një bonus ekonomik ad hoc për administratat që do të zbatojnë përvoja të virtytshme të kursimit të energjisë.”-thuhet në artikullin epublikuar nga mediat italiane.
Ndërkohë e kundërta ndodh në Shqipëri, ku punonjësit e administratës publike kërcënohen se nëse nuk do të kursejnë energji elektrike atëherë do të gjobiten deri në shumën e 50 mijë lekëve.
“Duhet të bëhemi shembulli i parë sa i rëndësishëm është kursimi i energjisë këto momente. Kemi vendosur kërkesë që institucionet shtetërore duhet të konsumojnë 15% të energjisë të konsumuar në krahasim me një vit më parë, një pagesë e barazvlefshme me 3.4 miliardë lekë. Duke nisur nga të gjithë institucionet shtetërore do emërojmë një administrator energjetik që do ketë si target uljen e konsumit me 15 % për çdo institucion. Masa është deri në 50 mijë lekë gjobë për çdo drejtues institucioni i të cilit harxhon më shumë energji”-, u shpreh Balluku në 5 tetor.
Discussion about this post