Kupa e Shqipërisë ka mbyllur ndeshjet e kthimit të turit të 1/16-tave të saj, teksa nuk kishte surpriza në këtë tur, pasi ekipet e “Abissnet Superiores” kanë kaluar më tej.
Partizani pas barazimit 0-0 në ndeshjen e parë me Orikun, këtë herë demat nuk falën, teksa fituan sfidën e sotme me shifrat 2-0. Menich dhe Skuka do të ishin autorët e golave.
Erzeni ka fituar 4-0 ndaj Turbinës, Egnatia triumfoi 3-0 ndaj Shkumbinit, po me të njëjtin rezultat fituan edhe Korabi kundër Besës dhe Skënderbeu ndaj Maliqit.
Tirana u ndal në barazim 2-2, por falë fitores 3-0 në ndeshjen e parë arritën të kalonin në turin tjetër. Kastrioti po ashtu u ndaj në barazim 0-0 me Vorën, por fitorja 1-0 në duelin e parë u jep biletën për në turin tjetër krutanëve.
Kukësi ka kaluar po probleme përballjen ndaj Labërisë, pasi edhe takimin e dytë e fitoi me shifrat 2-0, me sfidën e parë që verilindorët e fituan me shifrat 3-0.
Tomori dhe Apolonia janë gjithashtu dy skuadrat e tjera që kanë arritur të kalojnë në fazën tjetër të Kupës së Shqipërisë, ndërsa përballja mes Flamurtarit dhe Vllaznisë ka shkuar në kohën shtesë, pasi në sfidën e dytë shkodranët shënuan 1 gol, ndërsa vlonjatën kanë fituar duelin e parë me shifrat 2-1.
Discussion about this post